Школа за родители

Дома / Школа за родители

Започнуваме со нова школа за родители со повеќе програми, низ кои ќе ве водат врвни професионалци од областа на педијатрија, стоматологија, фармакологија, психологија, нутриција.

Основен курс

Едномесечен програм за идни родители

Основниот курс е едномесечен програм за припрема на идните родители.Предвидува запознавање на идните родители со низа на теми кои ќе им помогнат спремни да го дочекаат пороѓајот и првите денови со бебето. Програмот стартува на почеток на секој месец.

Бременост е единствен период во животот на секоја жена, време во кое жената се припрема за својата биолошка улога да стане мајка. Секоја жена го чувствува моментот кога е спремна да се оствари како мајка. Некогаш мајчинството било најзначајна улога за жената, но денес е поинаку. Жената својот досегашен начин на живот го ускладува со предизвиците на мајчинството.

Наша желба е да пружиме подршка на сите трудници кои сакаат да дојат. Трудниците ќе добијат практични совети, ќе научат да пратат знаци од своето тело, препознаваат барања од бебето. Доаѓањето дома со бебе е преубав долго исчекуван ден! Ќе го направиме уште поубав и ќе ве припремиме за следен чекор на родителство.

Проаѓајќи низ основниот курс:

Доење и исхрана - водич за мајки, прв ден дома со бебе, вештини на доење - како да се поттикне лактација и правилно да се постави бебето на дојка, тешкотии и препреки при доење, најчести дилеми во врска со дoење, пушење и доење, нега на дојки пред и после доење, исхрана со шише, колку долго да се дои, ризици на недоење, практични совети - Проф.др.Т.Јаќовска
Примена на лекови во тек на бременост и доење - Проф.др.К.Јаќовски
Психологија на бременоста – позитивни ставови, психолошки промени, улогата на партнерот/сопругот – Виш науч.сор.Т.Зорчец
Здравје на новородено - основни знаења кои родителот треба да ги знае - столица, нега на папче, стомачни грчеви, рефлекси на новородено, дишење на новородено, пеленски осип, повраќање (бљуцкање), слух, тежина - Проф.др.Т.Јаќовска
Нега и хигиена на новородено- бебешка кожа, бањање на бебе, нега на олфакторни органи, избор на пелени, платнени пелени, облекување на бебе, хигиена на бебешка гардероба, хигиена на бебешки прибор, миење забчиња, бебешки играчки, шетање на бебе, заштита на бебе од сонце, бебе на море, препарати за заштита од комарци, бебешки аксесоари за патување, како да се одбере перница - Проф.др.Т.Јаќовска
Едукативни совети за оралната хигиена на новороденото, соор, френулум, никнување на млечни запчиња (симптоми и знаци), baby bottle caries - Асс.Х.Петановски
Ран детски развој – развој по функции, стимулација на развој, рано емоционално врзување, родителски стилови – Виш науч.сор.Т.Зорчец
Загрижувачки состојби кај новороденче - жолтица, атописки дерматит (екцем), проблеми со папочна врвца, проблеми со очи (конјуктивитис), воспаление на уво, настинка и грип, зголемена телесна температура кај деца, фебрилни конвулзии, инфекции на мокрачни патишта кај новородено - Проф.др.Т.Јаќовска

Програмот трае месец дена
- Подразбира 8 предавања, 4 пати во месецот.
- Предавањата се во термин од 18.00 – 20.00, еднаш неделно
- Цената на основниот курс е 2400 мкд

Заради ограничен број на места, присуство е можно со предходна пријава. ПРИЈАВА

Низ основниот курс ќе ве водат врвни стручњаци од областа на педијатрија, стоматологија, фармакологија, психологија, нутриција.

Предавањата ќе се одвиваат според Ковид протоколите.

Повеќе

Напреден курс за родители

Напредниот курс е едномесечен програм со кој родителите се запознаваат со раст и развој на доенчето, проблеми кои се јавуваат во првата година од животот, дохрана, појава на првите запчиња и се она што се случува во понатамошниот живот на бебето. Предвидува запознавање на родителите со низа на теми кои ќе им помогнат спремно да се соочат со проблемите низ растот на бебето

Проаѓајќи низ напредниот курс ќе дознаете повеќе за:

Исхрана во првата година од животот,исхрана кај деца во летниот период,здрава исхрана,исхрана на дете до 3 годишна возраст.-Проф.др.Т. Јаќовска
Сигнификантен кариес кај млада популација-Асс.Х.Петановски
Развојни потешкотии-препознавање на доцнење во развојот,развојни потешкотии и растројства-Виш.науч.сор.Т.Зорчец
Алергија на храна и алергија на кравјо млеко -Проф.др.Т. Јаќовска
Употреба на лекови и имуномодулатори во детска возраст-Проф.др.К.Јаќовски
Кашлица и свирежи кај мали деца(preschool wheeze)- Проф.др.Т. Јаќовска
Витамин Д-превенција, терапија, може ли да има штетни ефекти?- Проф.др.Т. Јаќовска
Ран детски развој и употреба на електронски уреди-улогата на уредите врз развојот, улогата на врсниците и возрасните во стимулација на развојот -Виш.науч.сор.Т.Зорчец

Програмот трае месец дена
Подразбира 8 предавања, 4 пати во месецот.
Предавањата се во термин од 18.00 – 20.00, еднаш неделно

Заради ограничен број на места, присуство е можно со предходна пријава ПРИЈАВА Предавањата ќе се одвиваат според Ковид протоколите.

Повеќе

Индивидуални советувања

Индивидуални советувања во кој ќе учествуваат поединци или родители кои имаат потреба за дискусија и прашања за одредени теми, сомнежи, дефинирање на проблеми, размена на искуства и се она што ги интересира а сакаат да чујат од експерти од одредени области.

ПРЕДАВАЧИ

Проф.Др. Татјана Јаќовска

Педијатар со 30 годишно искуство, од 1990 година вработена на Клиника за детски болести, на одделот за доенче, метаболизам и цистична фиброза. Од 2018 година раководител на Центарот за цистична фиброза во Институтот за белодробни болести кај децата, Скопје. Експерт за доење, неонатологија и проблеми кои ги имаат доенчињата до една година (неонатални инфекции, конгенитални малформации, исхрана , витамин Д профилакса и рахит, наследни болести, генетски пореметувања и советувања, анемии, цистична фиброза, жолтици, интолеранција на лактоза и сл). Како професор на Медицински факултет врши едукации од прв, втор и трет степен на студенти по медицина, високи сестри, физиотерапевти, логопеди, рентген техничари, специјализанти по педијатрија, како и докторанти.

Проф.Др. Круме Јаќовски

Клинички фармаколог со долгогодишно искуство од 28 години, вработен на Институтот за фармакологија при Медицинскиот Факултет. Како експерт учествува во многубројни студии на лекови и проекти во врска со лекови, нивен метаболизам и токсичност. Како професор на Медицински Факултет врши едукација на студенти по медицина, специјализанти по клиничка фармакологија, докторанти на Медицински Факултет.

Виш. науч. сор. Др. Татјана Зорчец

Специјалист по медицинска психологија со повеќе од 25 години клиничко искуство во дијагностика и третман на деца со развојни потешкотии при Клиниката за детски болести. Како екперт од областа на менталното здравје, се бави и со советодавна работа и на деца со типичен развој и нивните семејства. Учесник е во многу домашни и меѓународни проекти. Како виш научен соработник при Медицинскиот факултет во Скопје, учествува во едукација на студенти по медицина, логопеди и медицински сестри, како и специјализанти по педијатрија.

Асистент Др. Христо Петановски

Стоматолог со долгогодишно искуство од 25 години на детскиот оддел про Стоматолошката Клиника во Скопје. Како експерт учествува во разни проекти, едуцира специјализанти по стоматологија и студенти по медицина.